بالعدد الماضي من "لبنان"، لمحنا ع موضوع قليل م يضوّو عليه المأرخين واللاهوتيين مع إنو هو من اهم المواضيع. شو بيقول؟ إنو، أيام المسيح، كان "لبنان الطبيعي" كلو- يعني بما فيه لبناننا، وطن المسيح. وبيقولو المأرخين انو الجليل واليهوديي وسوريا الشماليي كانو وقتها ملحقين بفينيقيا. هـ الحقيقا خلتنا ما نعود نتعجب من وجود علايق فريدي بين الله ولبنان.

بالفعل ما كنا نعرف ليش المسيح الما سافر برّا بلادو ابدن، ستسنى من هـ العالم لبنان، ولا كنا نفهم بعض الاشيا الغربيي البتوصل المسيح بأرضنا. وستغربنا اكتر واكتر لما ظهر لنا انو لبنان هادي العالم مقدمة المسيحيي وكل شي حلو بباقي الاديان.

بالعدد السابق من "لبنان" رمينا ضو سريع ع التراث اللبناني وبرهنّا انو المسيح غرف ممنّو وقلنا انو كان هـ العظيم عميغرف من تراسو. وهيك شرحنا بعض معضلات الانجيل المنها انو يسوع بيقول "جيت لتمّم ما جيت لانقض"، وشوّي منشوفو نقض هـ القال انو عميتمّمن. ومنها انو كان يعتبر اسرائيل شعبو، وما نشوفو الا عالن حرب ع دكاترة اللاهوت العبران.

وقدرنا نعطي فكرا سريعا عن الاسرار الاخدها المسيح عن اللبنانيي والعبادات والنبوات الجهزت مجيتو ع الارض. وقلنا انو من مار بولس وجاي، عتبرو المسيح كاهن ع رتبة ملكي صادق الكان ملك- كاهن كنعاني، ونوهّنا بالشي اللاحظو الفرد مر من انو يسوع ما بيزكر ولا مرّا اسم يهوه، ومش بس اسمو بالانجيل عمانوئيل- ع اسم ايل اله اللبنانيي- كمان بينده إيل ساعة موتو، وبيسمّي شعبو اسرائيل متل ما كان شعبنا يسمي حالو، شعبنا الكان مسمي ارضو، "ارض ايل"، وبحرو "بحرايل" وسهولو "سهول ايل". والاغلب انو اسرائيل بتعني اسرة ايل، يعني عيلة أو شعب ايل. وهـ التسميي الكانت تسمية الكنعانيي الفينيقيين اخدوها عنن العبران متل ما اخدو كل محتور تراسهن.

بهـ العدد بنا نظهّر كم واحدي من العلايق الوصلت ابن الله المتجسد ولبنان والبتخلّينا نقول انو لبنان منو بس وطن الله بشكل عام، هو كمان وطن المسيح. منعرف انو يسوع كان- متل كل اهالي لبنان الطبيعي- يحكي اللغا الاراميي. اللغا العبرانيي كانت بمسابة الفصيح عنا، تنقرا بالهيكل. ع كل حال العبرانيي ومتلها الاراميي متفرّعين عن الفينيقيي متل ما برهنو علما ومأرّخين كبار.

واكيد انو يسوع اجا مرّات كتيري ع لبنان الهو لبنانا اليوم. بيقول مار يوحنا لو تدونت كل الاعمال العملها يسوع، كانت عبّت كتب كتب ومن جملة هـ الاعمال الما تدونت، اخبار مجيات يسوع ع لبنانن ويمكن يكون منها تبشير وبمدرسة الحق البيروتيي، بس منعرف منها شي كتير مهم: وهو نو يسوع جترح اكترية اعمالو المجيدي بلبنان.

شو هي هـ الاعمال؟

صارو شرّاح الكتاب المقدس يعرفو انو المسيح اللي تعمّد بميّة الاردن التابع من لبنان والكان اسمو "بكر لبنان"، كمان تجلى عنا ع جبل حرمون. ويسوع ما مجّد من بين المدن الا مدن صور وصيدا. وكانو اهالي صيدا وصور يحبوه ويحلقوع ون م كان. ويسوع زار صيدا وصور. وحدّ هـ المدينتين جترح اعجوبي مع المرا اليونانيي اللي عتبروا فينيقيي وهونيك تعمّرت اول كاتدرائيي وصلنا وصفها. وبيأكدو القديس ابيفان واها صيدا وصور انو العدرا كانت مع ابنها وقت الزار صيدا وصور. براس العين حد صور في بركي من البرك الشهيرا اسما "بركة السيدي" وبمغدوشي حد صيدا، تعمّرت كاتدرائيي ع اسم "سيدة المنظرا" بالمطرح البيعتقدو انو العدرا نطرت فيه يسوع.

وما بين تلاميز يسوع الـ 12، كان منقّي ع الاقل تنين من لبنان، من قانا- الجليل التبيّن لسعيد عقل سنة 1968 انها هي زاتا القانا الواقعا ع بعد 12 كليومتر من صور. هـ التلميزين هني: نتنائيل- بارطولوميو وسمعان الكنعاني. وهيك منقول عن تلاميزو الـ 72 اللي كانو كتار منن من سكان مدن الساحل اللبناني، وكانو يلحقوه ع الجليل. ومعروف انو مار لوقا الانجيلي الطبيب العالم كان هو كمان كنعاني من انطاكيي، متلما بتأكّد كتابات صديقو مار بولس وغيرن. ونحن بانتظار مراجع بتقول انو متى الانجيلي كمان كان كنعاني- فينيقي من قانا.

وطبعن اهم الاحداس البتنزكر عن علاقة المسيح بلبنان اجتراحو اول اعاجيبو ع ارضنا بقانا- الجلي. مغزى هـ الاعجوبي بيوضّحو بشكل رائع سعيد عقل لمن بيشرح كيف بيت لحم اليهوديي عطت العالم يسوع وقانا ولبنان عطت الله، وكيف انو العدرا القديسي العمّلت يسوع هـ الاعجوبي، بالوقت الما كان مستعد يعملها، قدرت "تخربط الساعا" وتغيّر بمواعيد الله، تتعلم الانسان انو القداسي بتقدر ع الله بالزات.

ما عنا وسعا كافيي هون تنقول بالتفصيل كيف انو لبنان بعد المسيح صار ارض المسيحيي عدّة مرّات: مار بطرس أسس كنيسي بصور، ومرق ع صيدا وع بيروت وع جبيل. ومار بولس مرق ببيروت وبصيدا وتجمعو حولو الصيادني تيسعدوه. وبيلزمنا مجلّات تنحكي عن صمود اللبنانيي بوج اضطهادات الرومان بالقرن التالت، ومشاركتهن بكل القضايا المسيحيي المنها "المجمع النقاوي" واضع قانون الايمان وعن البابوات العطاهن لبنان لعرش روما ومنهن 2 من صور.

مجلدات كاملي متل ما قال سعيد عقل ناطرا مين يعبيّا بتفاصيل الاشيا العظيمي و "العجايب الراد الله يظهرها بلبنان" "بهـ الارض الكانت ركيزة البشريي ومهدها... وطن المسيح".